వాతాపి జీర్ణం - విజయం మరియు జ్ఞానానికి సమకాలీన కథ

చాలా రోజులక్రితం మాట. అగస్త్యుడనే పేరుగల బ్రహ్మచారి ఉండేవాడు. ఆయన తీవ్ర నిష్ఠతో తపస్సు చేస్తూ సర్వ ప్రాణికోటినీ దయాహృదయంతో చూసే వాడు.

ఆయన తపోదీక్ష మహామహులెందరికో ఆశ్చర్యాన్ని ఆనందాన్ని కలిగించేది. అలా తపస్సు చేసుకుంటూ అరణ్యాలలో తిరుగుతూండగా వాని పితృ పితామహులు కనిపించి: 'నాయనా, యోగ్యురాలయిన కన్యను వివాహం చేసుకుని నువ్వు పుత్ర సంతానం పొందాలి. లేకపోతే మాకు ఉత్తమ లోకాలు దొరకవు అన్నారు.

కులవృద్ధుల మాట శిరసావహించి అగస్త్యుడు తనకు తగిన భార్య కోసం అన్వేషణ ఆరంభించాడు. తిరిగి తిరిగి విదర్భదేశం చేరాడు. ఆ రాజుగారి యింట మెరపు తీగెవంటి లావణ్యంతో, నిర్మల సరోవరంలోని నల్ల కలువ వలె పెరుగుతున్న లోపాముద్రమ చూశాడు. అందచందాలలోనే కాదు వినయ గుణశీలాలలో కూడా ఆమె యోగ్యురాలని గ్రహించాడు.

వారి సూచనానుసారం ఇల్వలుడనే దానవరాజు దగ్గర కావలసిన సంపదలన్నీ ఉన్నాయన్నారు. ఆయన ఈ రాజులను వెంటబెట్టుకుని అదే పనిగా బయలుదేరాడు.

ఈ ఇల్వలుడు వాతాపిసోదరుడు. వారిద్దరూ ఒక అరణ్యంలో ఉంటూ ఆ దారిని వచ్చేవారిని భోజనానికి పిలుస్తారు. వారు రాగానే వాతాపి మేకలా మారిపోతాడు. ఆ మేకను చంపి వండి పెడతాడు, ఇల్వలుడు. వారు హాయిగా భుజించాక ఇల్వలుడు: 'సోదరా, వాతాపీ'' అని పిలవగానే వాడు పొట్ట చీల్చుకుని బయటపడగానే అన్న దమ్ములిద్దరూ ఆ అతిథిని వండుకు తింటారు. అది వారి జీవన విధానం.

అగస్త్యుడు తనతో రాజులను వెంటబెట్టుకుని రాగానే వినయంగా వెళ్ళి వారికి స్వాగతం పలికి ఆశ్రమానికి తీసుకు వెళ్ళారు. వారి ఎదురుగానే మేకను వండిపెట్టబోగా ఆ రాజులు భయంతో మునివైపు చూశారు. ఆయన వారికి అభయమిచ్చి వండినదంతా ముందు నాకు వడ్డించు. మిగిలితే వారి విషయం చూద్దాం' అన్నాడు.

సరిగ్గా అదే సమయానికి ఇల్వలుడు సోదరా! వాతాపీ': అని అరిచాడు. అదివిని అగస్త్యుడు: 'ఇంకా ఎక్కడ వాతాపి : వాడింక తిరిగి రాడు', అని నవ్వగా ఇల్వలుడు భయపడి : 'స్వామి: క్షమించండి' మీకు నా సర్వ సంపదలూ యిస్తాను, అని తన వద్ద నున్న మణిరత్న సువర్ణ రాసులు రథంమీద ఉంచి ఆయనకు అర్పించాడు.

ఆయన కదలబోతుండగా ఆయనను సంహరించబోగా మహర్షి వెను తిరిగి హుంకరించాడు. ఇల్వలుని దేహం గుప్పెడు బూడిద అయిపోయింది.

మహాముని ఆ సంపదతో ఆశ్రమానికి వచ్చి: ధర్మచారిణీ ! లోకంలో అందరిలా ఉండే పుత్రులు, అసంఖ్యాకంగా కావాలా? గుణశీలవంతుడయిన కుమారుడు ఒకడు కావాలా? అని అడిగారు. ఆవిడ గుణవంతు డొకడు చాలునంది. అనంతరం ఆ దంపతుల సంసార యాత్రాఫలంగా దృఢదస్యుడనే మహాతపస్వి ప్రభవించాడు.

వాతాపి జీర్ణం జీర్ణం జీర్ణం వాతాపిజీర్ణం అనే నానుడి ఈ కథ వల్ల పుట్టింది. ఇది భోజనానంతరం ఉచ్చరిస్తే తిన్నది బాగ జీర్ణమవుతుందని పెద్దలు అంటారు.